FAQs Complain Problems

वडा नम्बर ३

साविकको छुमचौर  गा. वि. स. का सम्पूर्ण वडाहरु १ देखि ९ नौ सम्म मिलेर हालको पातारासी गाउँपालिकाको वडा नं ३ बनेको छ  । यस क्षेत्रको मुख्य पेशाको रुपमा पशु पालन र कृषिलाई नै लिन सकिन्छ भने यस क्षेत्रका मानिसहरुले जडिबुटी संकलन र व्यापारबाट पनि केहि रकमा आम्दानीका रुपमा प्राप्त गर्दछन । विश्वको सबैभन्दा उच्चस्थानमा धान फल्ने जिउलो छुमचौर जिउलोमा मार्सी धान फल्दछ भने हाइअल्टिच्यूट ट्रेनिङ इन्सिच्यूट पनि यस वडाको लोटचौरमा निर्माण हुने भएको छ । पातारासी गाउँपालिकाको घरपरिवार सर्वेक्षण २०७५ अनुसार यस वडाको घरधुरी ५७६ र जनसंख्या ३३६८ रहेको ५ । यस वडाको वडा कार्यालय आफ्नै भवनमा सञ्चालनमा रहेको छ । यस वडामा एउटा माध्यामिक वद्यालय र २ वटा आधारभूत विद्यालयहरु रहेका छन भने एउटा स्वास्थ्यचौकि पनि रहेको छ । यस क्षेत्रमा विभिन्न भाषा र धर्मका मानिसहरु मिलेर बसोबास गर्दै आइरहेका छन । हाल आएर यहाँका मानिसहरु स्याउ खेति र ओखर खेति प्रति आकर्षि हुँदैगइरहेका छन् । यस वडाको उत्तर तिरको सीमनाले पातारासी गाउँपालिकाको उत्तरी सीमालाई प्रतिनिधित्व गर्दछ जुन मुगु जिल्लासँग जोडिएको छ । प्राकृतिक रुपमा पनि यस क्षेत्रका श्रोत र साधनलाई प्रयोग गर्न सकिएमा यो क्षेत्रले पर्यटनबाट पनि लाभ लिन सक्ने देखिन्छ ।

Population: 
३३६८
Ward Contact Number: 
९७४८०७८९१०